Нохчийчоьнан Куьйгалхочо Кадыров Ахьмад-Хьаьжин Рамзана Ӏаьрбийн Цхьаьнатоьхначу Эмиратийн Президентан дарже хӀотторца декъалвина Мухьаммад бен Зайед Аль Нахайан.
«Сайн воккхахволу ваша, Абу-Дабин тӀаьхьалуонан эла Мухьаммад бен Зайед Аль Нахайан, Ӏаьрбийн Цхьаьнатоьхначу Эмиратийн Лаккхарчу федеральни кхеташонан сацамца а догӀуш, ӀЦЭ-н Президентан дарже хӀотторна чӀогӀа хазахетта ву со», — йаздина цо Telegram чуьрчу шен каналехь.
Иштта, ша Мухьаммад бен Зайед Аль Нахайан а, ӀЦЭ-н дерриге халкъ а декъалдина Кадыров Ахьмад-Хьаьжин Рамзана оцу маьӀнечу хиламца.
«ХӀора а шун гӀулч Ӏаьрбийн Цхьаьнатоьхначу Эмиратийн дуьхьа а, беркате а хилийтар доьху оха Веза-Воккхачу Деле», — тӀетоьхна цо.
«ХӀора а шун гӀулч Ӏаьрбийн Цхьаьнатоьхначу Эмиратийн дуьхьа а, беркате а хилийтар доьху оха Веза-Воккхачу Деле», — тӀетоьхна цо.
Цул сов, Росси а, ӀЦЭ-ш а, зӀенаш латтийна ца Ӏаш, вовшийн накъосталла деш йолу дуккха а шераш хиларна тӀе а тидам бахийтина Нохчийчоьнан Куьйгалхочо.
«Вайн мехкийн а, халкъийн а, бусалбанийн умматан а дуьхьа кхидӀа а оцу декъехь вай къахьоьгург хилар дӀахаийта лаьа суна Шайх Мухьаммад бен Зайед Аль Нахайанна», — билгалдаьккхина цо.
Керлачу Президентана а, ӀЦЭ-н вежараллин халкъана а кхиар а, машар а, паргӀато а хилар шена лууш хилар а хоуьйтуш дерзийна Кадыров Ахьмад-Хьаьжин Рамзана шен декъалдаран кост.