Россин экономикин кхиаран министерствос а, Россерчу кластерийн а, технопаркийн а, шатайпанчу экономикин майданийн а ассоциацис а вовшахтоьхна хиллачу «Повестка ESG» дешаран программин жамӀаш дина.
Нохчийчоьнан цӀарах цигахь дакъалецира шатайпанчу экономикин «Грозный» майданан векалша.
«Чеченнефтехимпром» компанин долара «Грозный» майда а йовзуьйтуш, цара дӀабаьхьна гайтам тоьллачарах лерира.
Цул сов, цигахь дакъалацарна а, шайн хаарш тӀедузарна а аьлла, Россин цхьамогӀа субъектийн векалшна «Хаарийн экономикин институтан» тоьшаллаш делира.
Церан могӀарехь, кхеташ ма-хиллара, Нохчийчоьнан векалш а бара.
Академин 24 дарсана* лерина программа шина кепара дӀайаьхьира, проекташ Ӏалашйар тахана дӀа а хьош.
Проекташ Ӏалашйар Башкортостанан йуьртан бахаман министерствехь дӀадаьхьна хилар хаийтира дакъалацархоша.
* 1 дарс = 1 сахьт