Чоьхьарчу гӀуллакхийн министерствона а, Къоман гвардина а йукъайогӀучу бакъонаш ларйаран органийн буьйранчашца цхьаьнакхетар дӀадаьхьна Кадыров Рамзана.
Цигахь дийцаре дира аьхкенан муьрехь йукъараллин кхерамазалла Ӏалашйарца доьзна гӀуллакхаш.
«ХӀокху муьрехь цхьамогӀа даздарш а ду, иштта, алссам туристаш а, хьеший а вайн махка богӀу хан а йу аьхке. Бахархойн а, хьешийн а кхерамазалла лаккхарчу тӀегӀанехь Ӏалашйан йеза вай цундела«, — билгалдаьккхира Нохчийчоьнан Куьйгалхочо.
Цул сов, Украинехь дӀахьочу тӀеман лерринчу операцехь жигара дакъалоцул болчу нохчийн бӀаьхошна а, буьйранчашна а баркалла а элира Кадыров Рамзана.
«Шайх тешийначу массо а дакъошкахь тӀехдика жамӀаш гойтуш бу вайн бӀаьхой«, — элира цо.