Луганский Халкъийн Республике рогӀера гӀо-орца хьажийна Кадыров Ахьмад-Хьаьжин цӀарахчу Йукъараллин фондо.
Оцу хьокъехь хаам бинчу Нохчийн Республикин Куьйгалхочо хаийтина хӀинцалера гӀо меттигерчу медицинин учрежденешна кхаьчна хилар.
Дахьийтинарш молханаш хилар а, иштта, уьш 5 тонна гергга хилар а тӀетоьхна Кадыров Рамзана.
БӀаьхошна а, бахархошна а дарбанаш лелорехь пайдаоьцур бу оцу молханех а, медицинин гӀирсех а.
Цул сов, ЛХР-чу медицинин учрежденешкахь къахьоьгуш Нохчийчуьра 30 сов лор хилар а хаийтина республикин Куьйгалхочо.