Соьлжа-ГӀалин векала Усмаев Ахьмада толам баьккхина Герз нийса тохарехула болчу Йерригроссин къовсамехь.
Спортан снайпинган 5-чу юбилейн Евроазин чемпионатан къасторан муьрехь дӀабаьхьна къовсам бара иза.
Хьалхара ши мур Тюменан а, Свердловскан а мехкашкахь дӀабаьхьира, ткъа хӀара — Челябинскан областехь.
30 сов спортхо-снайпинг вара герз нийса а, гена а тохарехула болчу къовсамехь дакъалоцуш, шайна хьалха лаьтташ 16 Ӏалашо а йолуш.
300 м тӀера 1,2 км кхаччалц йолу йохаллаш йара тайп-тайпанчу церан.
Лакхахь билгалваьккхинчу Усмаев Ахьмада «223/308» декъехь толам баьккхира.
Товбецан баттахь Екатеринбургехь дӀахьур йолчу Спортан снайпинган 5-чу юбилейн Евроазин чемпионатан финалехь дакъалаца бакъо хир йу цуьнан.