«Кхерамза а, дика а некъаш» къоман проектан гурашкахь цхьацца тӀай ду Шуьйтан а, Итон-Кхаьллан а кӀошташкахь туьллуш.
Хьалхарниг «Шуьйта — Шаран-Орга — ХӀима» некъа тӀера Нохч-Келана тӀебоьдучу некъаца туьллуш ду.
Лакхахь хьахийначу Нохч-Келан бахархойн хьашташна лерина и тӀай 32 м деха хир долуш ду.
ШолгӀа тӀай «Соьлжа-ГӀала — Шуьйта — Итон-Кхаьлла» некъа тӀера Зумса йуьртана тӀебоьдучу некъаца туьллуш ду.
22,7 м деха хир долуш долу и тӀай, кхеташ ма-хиллара, Зумсан бахархойн хьашташна лерина хир ду.
И белхаш дӀабахьарехь къахьоьгу НР-н автомобилийн некъийн министерствон белхалоша.
ХӀокху деношкахь цигахь Йерригроссин халкъан фронтан векалш а хилла.
Цара теллина ший а тӀай тилларехь дӀахьош болу болх.