«Профессор» цӀераш йеллачарна дипломаш а, тоьшаллин кехаташ а дӀадаларан цхьаьнакхетар хилла Россин Ӏилманийн академин Президент-залехь.
Кандидаташна йукъахь «профессор» цӀе йала хьакъверг харжар оханан (апрель) баттахь дӀадаьхьнера.
Оцу цӀарна хьакъболчеран могӀарехь Нохчийн Республикин Правительствон вице-премьер Сулейманов Эльхан а вара — медицинин декъехула «Россин Ӏилманийн академин профессор» цӀе йелира цунна.
РӀА-н президента, физикин-математикин доктора, профессора Сергеев Александра дипломаш делира профессоран цӀераш йеллачарна, иштта, шен а, Академин а цӀарах декъала а бира уьш.
Билгалдаккха деза Сулейманов Эльхан Къилбаседе-Кавказан ФО-хь а Россин Ӏилманийн академин дуьххьарлера профессор хилар.
Цул сов, Россин Ӏилманийн академин Ӏилманан гуонашкахь иза Нохчийн Республикин векал а хиларо боккха йуьхькӏам бо вайн махкана.