Нохчийчоьнан Куьйгалхочо Кадыров Рамзана а, Россин промышленностан а, махлелоран а министра Мантуров Дениса а дакъалецира гӀишлошйаран инновацийн «Казбек» технопаркерчу 2 заводан болх дӀаболорехь.
И ши завод болх бан йолайаларо Нохчийчохь гӀишлошйаран дакъа кхин а эвсаре доккхург хиларх ша тешаш хилар хаийтира республикин Куьйгалхочо.
Цул сов, промышленностан дакъа кхиорна оцу мехалчу хиламо Ӏаткъам бийриг хилар а билгалдаьккхира цо.
Ший а завод а, ша «Казбек» технопарк а йоккха тӀаьхьалуо йолуш хиларна тӀе тидам бахийтира шен къамелехь федерацин министра.
Цул сов, Нохчийн Республикин промышленность кхиоран фонде кхитӀе а капиталаш йан сацам хилла хилар а хаийтира Мантуров Дениса.
Цунах, цхьа а шеко йоцуш, боккха кхаъ хилира вайн махкахь къахьоьгучу а, къахьега лаамаш болчу а совдегаршна.