Схьабиллина Россис Украинехь дӀахьочу тӀеман лерринчу операцехь дакъалоцуш болчу нохчийн буьйранчашна лерина рогӀера арт-пен.
Соьлжа-ГӀаларчу Шайх Митаев Ӏелин цӀарахчу урамехь бу нохчийн говзанчаша гӀо а деш, Купалян Александра кечбина и пен.
НР-н къоман политикин, арахьарчу зӀенийн, зорбанан, хаамийн министерствон дӀадолор ду иза.
300 м² дӀалоцуш болчу оцу пена тӀехь нохчийн 6 буьйранча а, йуккъехь Нохчийчоьнан Куьйгалхо, Россин Турпалхо Кадыров Ахьмад-Хьаьжин Рамзан а ву.
Царна тӀехьа танк а, иштта, Россин а, Нохчийчоьнан а байракхаш а йу гуш.
РогӀера арт-объект схьайелларехь дакъалецира шуьйрачу хаамийн гӀирсийн куьйгалхоша а, бакъонаш ларйаран органийн а, Къоман гвардин а векалша а.