Вайн республикехь жигара дӀахьо бахархойн хӀусамийн дозанашка кхаччалц маьхза газ йигаран болх.
Оцу декъехь хӀинцале а бинчу белхан хьокъехь аьлча, билгалдаккха догӀу маьхза газ 2 эзар сов хӀусаман дозане кхаччалц тӀейигна хилар.
2021-2022-чуй шерашкахь бан безачу белхан 43,6% нисло иза.
И белхаш дӀабарехь 125,2 км биргӀанех пайдаэцна.
Иштта хьал довзийтина Нохчийчоьнан Премьер-министра Хучиев Муслима дӀайаьхьначу кхеташонехь.
Нехан доларчу латтанашна кехаташ кечдар а, уьш ЕГРН-а чу дахар а дийцаре дира цигахь.