Нохчийчоьнан Куьйгалхочун Кадыров Рамзанан тӀедилларца дӀахьош бу «Zа Правду» пресс-туран 5-гӀа мур.
Цуьнан гурашкахь дакъалоцуш 30 сов журналист ву.
Россера хилла ца Ӏаш, Донецкан а, Луганскан а халкъийн республикашкара а, Чинера а, Хонкарера а, Сербера а, Къилбаседен Корейра а бу уьш.
Пресс-туран рогӀера дакъа дӀахьош Нохчийчоьнан Парламентан спикер Даудов Мохьмад а, Кадыров Ахьмад-Хьаьжин цӀарахчу полицин лерринчу Ӏалашонийн полкан командир Чалаев Замид а, Къоман политикин, арахьарчу зӀенийн, зорбанан, хаамийн министр Дудаев Ахьмад а ву.
Цара журналисташна гойту националисташа хӀинццалц Ӏуналла деш хилла меттигаш а, иштта, Кадыров Ахьмад-Хьаьжин цӀарахчу Йукъараллин фондо цигахь гуманитарин гӀо-орца дар а.