Соьлжа-ГӀалин уггаре а маьӀнечу урамех цхьаъ ларалуш болу Лорсановн урам тобеш бу карарчу хенахь.
Цигахь дӀахьочу белхашка а хьожуш, пачхьенан йуккъехь хилла Кадыров Рамзан.
«КӀеззигчу хена чохь дукха боккха бу кхузахь бинарг», — хаийтина Нохчийчоьнан Куьйгалхочо.
Цуьнца цхьаьна хиллачу Соьлжа-ГӀалин мэра Кадыров Хас-Мохьмада бовзийтира хӀинцале бина а, кхидӀа бийр болу а хийцамаш.
Цо билгалдаккхарехь, ша некъ 6 аса долуш хир бу, иштта, оцу некъаца йолчу гӀишлойн куц-кепаш а хуьйцур ду.
Машенаш дӀахӀиттайойлаш а, гӀашлойн некъаш а хир ду кхачам боллуш.
Цул сов, алссам доьгӀна дитташ а, цӀиндина серлонан бӀогӀамаш а, инженерин коммуникацеш а кхочур йу бахархошна белхаш дӀабирзинчул тӀаьхьа.