Россин чоьхьарчу гӀуллакхийн министерствон Соьлжа-ГӀалехула йолчу Урхаллин Кхиазхойн гӀуллакхийн декъан белхахоша интернет-клубашкахь дӀахьош бу профилактикин рейдийн белхаш.
Кхиазхошлахь бакъонаш талхораш талларца боьзна бу уьш.
Бакъонаш ларйархоша билгалдаккхарехь, цкъачунна хааделла дац кхиазхоша а, кхиазхошца доьзна а бакъонаш талхор.
Цул сов, совдегаршца дӀахьош а бу кхетош-кхиоран а, законийн лехамаш бовзийтаран а болх.
Билггал аьлча, Нохчийн Республикин №3 (17.01.2017) йолчу законан 20-чу ст. лехамаш хьоьху царна.
16 шо кхачаза болу кхиазхой, шайца цхьаьна дай-наной йа верасаш а боцуш, самукъадаккхаран хьелашка кхачийтар Нохчийчохь дихкина хилар билгалдоккхуш статья йу иза.