Нохчийчоьнан Куьйгалхочун Кадыров Рамзанан тӀедилларца а догӀуш, вайн мехкан Премьер-министран Хучиев Муслиман цхьаьнакхетар хилла Москван пачхьалкхан университетан (МПУ) ректорца Садовничий Викторца.
Инвестицийн «Соьлжа-ГӀалин дуьненайукъара университет» проектан буха тӀехь МПУ-н филиал кхолларан гӀуллакх дийцаре дина цигахь.
Хучиев Муслима билгалдаьккхина и гӀуллакх Кадыров Рамзана шен тергонехь латтош хилар.
МПУ-н филиал йелларан хьокъехь аьлча, дийцаре деш ду Соьлжа-ГӀалин дуьненайукъарчу университехь хир болу техникин а, материалийн а бух оцу университетана, алссам хан а къастош, дӀабалар.
И филиал кхолларо вайн махкарчу лаккхарчу дешаран боккха Ӏаткъам бийриг хиларца йоккха дегайовхо хиларна тӀе тидам а бахийтина Нохчийчоьнан Премьер-министра.
Садовничий Виктора чӀагӀо йина Нохчийчохь МПУ-н филиал кхолларан гӀуллакх толлург а, иштта, хьокъале боллу сацам тӀеоьцург а хилар.