Кадыров Ахьмад-Хьаьжин цӀарахчу Сийлаллин мемориалан комплексехь тахана Йукъараллин палато вовшахтоьхначу митингехь дакъалецира 5 эзар сов стага.
Украинехь тӀеман леррина операци дӀайахьар къобалдарна лерина йара иза.
Цигахь дакъалоцуш бара йукъараллин гӀуллакххой, политикин партийн декъашхой, профсоюзийн а, предприятийн а векалш, студенташ, и.д.кх.а.
Митинган дакъалацархоша, цигахь дакъалацарца а, шайгарчу кхайкхамийн аннашца а цхьаьна билгалдаьккхира Донбассан республикаш ларйаран а, Украина нацистех дӀацӀанйаран а Ӏалашонца дӀахьош йолу тӀеман леррина операци шаьш къобалйар.
Цара дийцарехь, оцу операцин гурашкара Россин Президентан Путин Владимиран а, Нохчийчоьнан Куьйгалхочун Кадыров Рамзанан а дӀадолорш бух болуш а, халкъо къобалдеш а ду.
Чаккхенехь, цигахь дакъалоцуш болу нохчийн бӀаьхой а боьхуш, Деле доӀа дира митинган дакъалацархоша.