Оборонин министерствон долахь кхоьллинчу нохчийн батальонийн салташна Соьлжа-ГӀалина йукъайогӀучу Хан-ГӀалахь хьелаш кхоллар теллина Кадыров Рамзана.
Цигарчу белхалоша 3 рожехь къахьегар а, царна куьйгалла деш ГӀишлошйаран а, хӀусамийн-коммунальни бахаман а министр Зайпуллаев Муслим хилар а хаийтина республикин Куьйгалхочо.
Керт йаран болх хӀинцале а чекхбаьккхина, 3 казармехь беш болу белхаш а чаккхене боьрзуш бу.
ДӀадерзийна инженерин коммуникацеш хийцаран а, оьшшуш йолу йийбар эцаран а гӀуллакхаш.
Кечйеш йу салтий дӀахӀиттаран а, футболан а, теннисан а, волейболан а, баскетболан а, воркаутан а майданаш.
Йеш йу 450 меттигна лерина гуламан зал а, 2 блоках а лаьтташ, 560 меттигна лерина кхачабааран корпус а.
Цул сов, 1 эзарна лерина маьждиг а ду кертахь деш.
Кадыров Рамзана билгалдаьккхина и комплекс, белхаш дӀабирзинчул тӀаьхьа, салташна леринчу тоьллачу комплексех цхьаъ хирг хилар.