Селхана Сочехь Хонкаран Президентаца шен хиллачу цхьаьнакхетарал тӀаьхьа Нохчийчоьнан Куьйгалхочуьнца Кадыров Рамзанца цхьаьнакхетар дӀадаьхьна Путин Владимира.
Республикин Куьйгалхочо хаийтина цигахь Нохчийчоьнан социальни-экономикин кхиаран а, туризман а гӀуллакхаш а, республикера хьал а дийцаре дина хилар.
Цул сов, Донбассехь дӀахьочу операцехь дакъалоцуш болчу нохчийн бӀаьхойх лаьцна а дийцина цигахь.
Кадыров Рамзана билгалдаьккхина Россин Президента цаьрга доккха маршалла а, Даймахкана муьтӀахь а, тешаме а хиларна, доккха баркалла а даийтина хилар.
Иштта, Лаккхарчу Коьртачу буьйранчин Путин Владимиран омра дуьненан муьлххачу а маьӀӀехь кхочушдан Кадыров Ахьмад-Хьаьжин командан векалш кийча хилар ша йуха а карладаккхар а тӀетоьхна Нохчийчоьнан Куьйгалхочо.