ГаланчӀожан кӀошта ток йигаран болх теллина «Чеченэнергон» урхалдаран директоран декхарш кхочушдечу Кадиров Ӏийсас.
Хууш ма-хиллара, и белхаш даханчу шеран чаккхенехь дуьйна дӀаболийна а, жигара дӀахьош а бу.
20 гергга техника а, 50 гергга белхало а ву оцу меттахӀотточу кӀошта ток йигаран декъехь къахьоьгуш.
Хила дезачу 130 км токан асанех (10 кВ, 0,4 кВ) 53 км асанаш хӀинцале а дӀатийсина цара.
Иштта, дӀахӀотто йезаш трансформаторан 24 подстанци а йу церан.