240 меттигна лерина «Бералла» берийн беш а, 720 меттигна лерина №4 йолу ишкол а схьайелларехь дакъалаьцна Нохчийчоьнан Куьйгалхочо Кадыров Ахьмад-Хьаьжин Рамзана.
Йух-йуххехь йина и ший а объект Соьлжа-ГӀаларчу БойсгӀаран кӀоштахь йу.
Берийн бешахь а, ишколехь а кхоьллина мел оьшуш долу хьал.
Хьалхарчух аьлча, билгалдаккха догӀу иза садаӀаран а, Ӏаморан а, кхачанан а чоьнех а, библиотеках а лаьтташ хилар, уьйтӀахь ловзаран майда а йолуш.
Ишколехь а йу дешаран а, кхачанан а чоьнаш, садаӀаран майданаш, библиотека, иштта, гуламан а, спортан а залаш.
Цуьнан уьйтӀахь, кхеташ ма-хиллара, футболан майда а йу.