Россин МЧС-н некадарехула йолчу спартакиадин регионашна йукъарчу къийсадаларшкахь лаккхара кхиамаш баьхна Нохчийчоьнан векалша.
Къилбаседе-Кавказан ФО-н 7 субъектан 37 векал вара цигахь дакъалоцуш.
«41+ шо» декъехь толам баьккхина МЧС-н Нохчийн Республикехула йолчу Коьртачу урхаллин цӀейайъаран службин хьаькама Умалатов Дауда.
«31 — 41 шш.» декъехь хьалхара меттиг йаьккхинарг Абубакаров Тимур ву — Соьлжа-ГӀалин Висаитовн кӀошт ларйаран 5-чу декъан (ПСЧ) хьаькам.
Оццу декъехь 3-гӀа меттиг а Нохчийчоьнан векала Мадагов Ахьмада йаьккхина — Хьалха-Мартан кӀошт ларйаран 29-чу декъан (ПСЧ) коьртачу цӀейайъархочо.
Кубкашца а, мидалшца а, сийлаллин грамоташца а совгӀаташ дина царна.
Цул сов, Умалатов Дауда а, Абубакаров Тимура а хӀинца МЧС-н Къилбаседе-Кавказан ФО-чу урхаллийн вовшахтоьхначу тобанехь дакъалоцур ду.
Гурахь дӀахьур йолчу Йерригроссин спартакиаде гӀур бу оцу тобанан дакъалацархой.