Карарчу беттан 25-27-чуй деношкахь Нальчикехь дӀахьур йу музыкин йоккха фестиваль — «Кавказ мьюзик фест».
Къилбаседе-Кавказан ФО-н массо а субъектийн векалша дакъалоцур ду цуьнан гурашкахь, Нохчийчоьнан цӀарах Межиева Макка а, иштта, Байкаев Мурад а волуш.
ГӀебартойн-Балкхаройчоьнан эзарнашкахь болу бахархой а, Россин тайп-тайпанчу регионашкара хьеший а фестивалан хьовсархой хирг хиларна шеко йац вовшахтохархойн.
Ша и фестиваль дӀайахьар ГӀебартойн-Балкхаройчоьнан республика кхоллина 100 шо кхочуш хиларна лерина хилар а хоуьйту цара.
Концертан йоккха программа дӀайахьарал сов, йуьйцучу фестивалан гурашкахь кхоллараллин конференци-практикум а хила тарлуш йу.
Цул сов, Россин тайп-тайпанчу регионашкарчу говзанчийн а, пхьерийн а хӀуманашна (сурсаташна) лерина ярмарка-гайтам а дӀахьур бу оцу деношкахь.