Кегийчу гӀаланашкахь а, историн кӀотаршкахь а гӀалин тоьлла бегӀийла хьелаш кхолларан проектийн Йерригроссин конкурсехь Нохчийчоьно 4 болам баьккхина.
Республикин гӀишлошйаран а, хӀусамийн-коммунальни бахаман а министра Зайпуллаев Муслима билгалдаккхарехь, Гуьмсе а, Шела а, Курчалой а, Хьалха-Марта а йу толамаш баьхначу гӀаланийн могӀарехь.
Россин гӀишлошйаран министерствос дӀахьош хиллачу оцу конкурсан жамӀаш Тамбовехь довзийтина.
Цигахь, вайн мехкан векалша дакъа а лоцуш, дӀайаьхьна Кегийчу гӀаланийн а, историн кӀотарийн а форум.