Къилбаседа Кавказехь дехачу къаьмнийн культура вовшех тера йог1уш елахь а, хIора къоман шен-шен башхаллаш йолуш ю иза.
Шайн къоман культура кхиорехь гуттар къахьоьгуш хиллехь а, 2002-чу шарахь кхоьллина Кенхехь жIайхойн культурин туш.
2008-чу шарахь дуьйна оцу туьшан куьйгалхо ву Хабиров Iела, цуьнан совгIаташка хьаьжча а гуш ду иза шен декхаршца тIех дика ларош хилар а. Кадыровн орденан кавалер ву иза.
Еккъа районехь а, республикехь а дIахьочу мероприятешкахь дакъалаьцна ца Iаш, Къилбаседа Кавказехь хиллачу дуккха а мероприятешкахь дакъалаьцна цара.
Эшарийн, хелхарийн, музыкин, берийн – масех тоба ю туьша юкъа йогIуш. Кенхирчу школашкара похIма долу дешархой бу берийн тобана юкъахь.
Эшарш, хелхарш Iаморал сов, къоман даарш дан а Iамадо туьшахь.
– Стаг ша миччахь вехаш велахь декхарийлахь ву шен къоман Iадаташ, ламасташ довза, лело, – боху Хабиров Iелас.
Цо дийцарехь, туьшана гIодо юьртарчу маьждиган имама Муртазалиев Идриса, бусалба дино магош дерг, дихкинарг довзуьйту цо берашна.
Р.МУСИПОВ
№ 70, еара, 25 июнь, 2015 шо