Куьйгаллехь Вайханов Байбетар а волуш, Россин спецназан университетан (РСУ) векалш дакъалоцуш бу Москван областехь дӀахьочу тӀеман техникин дуьненайукъарчу «Армия — 2022» форумехь.
Telegram чуьрчу шен каналехь оцу хьокъехь хаам бина Кадыров Ахьмад-Хьаьжин Рамзана.
Нохчийчоьнан Куьйгалхочо дийцарехь, форумехь 100 сов пачхьалкхан векалш а, промышленностан предприятеш а йу.
Украинехь дӀахьочу тӀеман лерринчу операцехь шайн лаамехь дакъалаца боьлхурш кечбаран коьрта майда РСУ хиларе терра, цуьнан векалшца цхаьнакхетарш дӀадахьар а, берташ бар а маьӀне хета кхечу делегацешна.
Цунах шена кхаъ а, хазахетар а хилар хаийтина Нохчийчоьнан Куьйгалхочо.