Къоман гвардин Нохчийн Республикехула йолчу Урхаллина йукъайогӀуш а, 2 эзар бӀаьхочух лаьтташ а йолуш, керла полк кхуллуш йу вайн махкахь.
Иза билгалдаьлла Нохчийчоьнан Куьйгалхочун Кадыров Рамзанан а, Къоман гвардин Къилбаседе-Кавказан округан буьйранчин декхарш ханна кхочушдечу Делимханов Ӏалибекан а хиллачу цхьаьнакхетарехь.
Керлачу полкан Ӏалашонехь хир ду республикин мехкадаьттан а, газан а комплекс ларйар.
ХӀинццалц и болх беш хилла полк, хийцамаш а беш, тӀеман полкан тӀегӀане йоккхуш йу.
Кхуллучу полке дӀайазвала лаам болуш 600 сов стаг хӀинцале а билгалваьлла, шайх 200 сов лоьрийн а, кхиболчу а талламех чекх а волуш.
Оцу полкана, техникица а, герзаца а кхачо йина ца Ӏаш, керла туш а кхуллур йолуш йу.
Соьлжа-ГӀалин мэрис сихонца билгалйаьккхина оцу балхана бегӀийла йоллу меттиг.