Россин оборонин министерствон долахь а йолуш, хьалхуо кхоьллинчу «Запад-Ахмат» а, «Восток-Ахмат» а батальонийн бӀаьхой тӀеман гӀуллакх Ӏамош бу.
Ӏамораш, Нохчийчоьнан Куьйгалхочо билгал ма-даккхара, Россин спецназан университетехь дӀахьош ду.
Кадыров Рамзана, и бӀаьхой лаккхарчу тӀегӀанехь кечбарна, баркалла аьлла оцу университетан инструкторшна.
Шайн куьйгаллехь Вайханов Байбетар волчу цара бӀаьхошна хьоьху герз лелор, лазийначунна медицинин хьалхара гӀо-накъосталла дар, и.д.кх.а.
Цул сов, къаьсттина тидам тӀебохуьйту танкана дуьхьалонна йолчу гранатометах нийса пайдаэцарна а.