КӀоштийн больницийн автопаркаш керлачу машенашца тӀейуьзна — церан хьашташна эцна «Лада Гранта» олуш йолу 36 машен.
Соьлжа-ГӀалин йуккъерчу майданахь дӀадаьхьира керла машенаш дӀасайекъаран гӀуллакх.
Нохчийн Республикин хьалхарчу Президентан, Россин Турпалхочун Кадыров Ахьмад-Хьаьжин 71 шо кхачарна леринчу оцу гӀуллакхехь дакъа Кадыров Рамзана а лецира.
Медицинин хьалхара дакъа кхиоран декъерчу программин гурашкахь эцна и машенаш кӀошташкахь чӀогӀа оьшуш хилла хилар хаийтира Нохчийчоьнан Куьйгалхочо.
Лоьраш дархошна тӀебигарехь а, молханаш дӀасадахьарехь а, шаьш дархой больницашка кхачорехь а пайдаоьцур бу царах.
Циггахь билгалделира карарчу шарахь 153 медицинин гӀирс а эцна хилар.
Машенийн хьокъехь аьлча, хьалхуо эцнарг 15 машен йара, хӀинца — кхин 36 а.