Иттаннаш доьзалшна вуно хаза де хилла таханлераниг — 71 хӀусам йелла мискачу а, хала бохкучу а доьзалшна.
И доккха сагӀа даьккхинарг Кадыров Ахьмад-Хьаьжин цӀарахлера Йукъараллин фонд йу.
Мехала болх, кхеташ ма-хиллара, тахана билгалдоккхуш хиллачу Кадыров Ахьмад-Хьаьжин 71 шо кхачарна лерина бара.
ХӀусамаш кхаьчна доьзалш Курчалойн а, Гуьмсан а, Шелан а, Грозненски а, Хьалха-Мартан а, Нажин-Юьртан а, кхийолчу а кӀошташкара а, Соьлжа-ГӀалара а бара.
Цул сов, ГӀишлошйаран а, хӀусамийн-коммунальни бахаман а министерствос а делла 27 цӀа.
И хӀусамаш Нажин-Юьртан кӀоштан бахархошна кхаьчна — хӀинццалц шайн хилла хӀусамаш латта текхачу меттигашкахь нисйаларца а догӀуш, керла хӀусамаш а йеш, охьабалийна уьш.