Шайх Мансуран кӀоштахь (Соьлжа-ГӀала) схьайиллина заьӀапхошна лерина йолу физкультурин-спортан комплекс.
Волейболах а, футболах а, теннисах а, баскетболах а ловза а, физкультурах пайдаэца а заьӀапхошна мел оьшу хьелаш ду цигахь кхоьллина.
Республикин «Спорт — дахаран къепе» проектаца йина йу комплекс.
Цу чохь спортан а, тренажерийн а залаш, лоьран а, садаӀаран а, кхачанан а, администрацин а чоьнаш йу.
Цул сов, уьйтӀахь машенаш дӀахӀиттайойла а, футболан йоккха майда а йу.
Нохчийн кхузаманахьлерчу пачхьалкхаллин 100 шо кхочуш хиларна лерина дара комплекс схьайеллар.
Цигахь дакъалецира Соьлжа-ГӀалин мэра Кадыров Хас-Мохьмада а, Физически культурин а, спортан а министра Эдилов Валида а, кхечара а.