Россин Президентан Путин Владимиран цӀарах а йолуш, Соьлжа-ГӀалахь йечу Дзюдон туьшахь хилла Кадыров Рамзан.
Нохчийчоьнан Куьйгалхочо билгалдаьккхина оцу туьшахь спортхой олимпийн ловзаршна кечбийр болуш хилар.
Дукхахьаштийн комплекс йеш йу кхузаманахьлерчу лехамашца.
Карарчу хенахь белхалоша къахьоьгу чуьра а, арара а пенаш кечдарехь, силаман чкъор уьйтӀа дилларехь, кетӀе а, ков-керт а битаме далорехь.
Комплексехь тренировкийн чоьнаш а, бассейн а, къовсамаш дӀабахьаран йоккха зал а, кхачанан чоь а, хьешацӀа а, машенаш дӀахӀиттайойла а йу.
И туш схьайиллинчул тӀаьхьа аьтто хир бу цигахь республикин а, федерацин а, дуьненайукъара а тӀегӀанийн къовсамаш дӀабахьа.