Аьккхахь (ГаланчӀожан кӀошт), тодина а даьлла, схьадиллина Рузбан-маьждиг.
Оцу меттигашкахь тӀулгех долчу маьждигашлахь шира ларалуш а долуш, 240 сов шо хьалха дина а хилла ду иза.
Нохчийн халкъ махкахдаккхаран 1944-чу шарахь дохийна хилла и маьждиг, хӀинццалц, йа кхойкхуш молла а воцуш, йа деш ламазаш а доцуш, саьлнашкахь Ӏиллина ду.
Нохчийчоьнан Куьйгалхочун Кадыров Рамзанан тӀедилларца а догӀуш, меттахӀотточу ГаланчӀожан кӀоштахь некъаш дахаран белхаш дӀабахьаро аьтто бина иза меттахӀотторехь оьшуш болу гӀирсаш хьалабахьа а, меттахӀотторан белхаш дӀабахьа а.
Маьждиг схьаделларехь дакъалаьцна 1 эзар сов стага, шайн могӀарехь Ӏедалан белхахой а, Ӏеламнах а, Аьккхара схьабовлар дерш а, цхьамогӀа тайпанийн векалш а, хьеший а болуш.
«Комитет Акка» йукъараллин куьйгаллехь волчу Мурдалов Мусас хаийтина и маьждиг меттахӀотторехь, ницкъ кхачаре хьаьжжина, хьалха цуьнан хилла куц-кеп ларйина хилар.