«Евразин аз — 2022» йерригроссин фестивалан жамӀаш дина ХӀинжа-ГӀалахь.
Россин культурин тӀаьхьалуонан шарна лерина йара иза.
Цигахь дакъалоцуш Нохчийчоьнан векал а йара — «Вайнах» ПТРК-н директор Веселаева Рузана.
Жюрин куьйгаллехь Йерригроссин пачхьалкхан телерадиокомпанин коьртачу директоран заместитель Сабитов Рифат вара.
Халкъийн ламасташ а, къаьмнийн йукъаметтигаш а, культурийн зӀенаш а Ӏалашйарна лерина 400 сов болх бара жюрин кхиэле биллина.
«Публицистикин тоьлла программа» декъехь диплом «Вайнах» ПТРК-на делла.
Даймехкан гӀаролехь шен кӀенташа къахьоьгучу нохчийн зудчух а, цуьнан дахарх а дуьйцу «До встречи в горах» программина (автор — Бокарова Лариса) делла ду иза.
Программин турпалхо йолу Мацуева Дашман нохчийн зудчун бӀаьрла масал ду.