Дагестанехь дӀахьош хилла Нохчийн Республикин культурин денош пачхьалкхан «Вайнах» ансамблан концертаца дӀадирзина — хелхарийн а, музыкин а, хореографин а гайтамех лаьтташ йара артистийн программа.
И денош дӀадахьарехь дакъа мел лаьцначарна баркалла элира Дагестанан культурин министран заместитела Гаджиев Мурада.
Лаккхарчу тӀегӀанехь вайн векалш тӀелацарна Дагестанан культурин министрана Ажуева Заремина баркалла а олуш, цигарчу шайн белхан накъосташна нохчийн культурин хьукматан совгӀаташ дина Нохчийчоьнан культурин министран декхарш кхочушдечу Байсарова Марета.
Билгалдоккху луларчу республикехь Нохчийн Республикин культурин денош хӀокху беттан 25-27-чуй деношкахь дӀадаьхьна хилар.
ДӀадолор Нохчийчоьнан культурин министран Кадырова Ӏайшатан долу и культурин гӀуллакх Нохчийн кхузаманахьлерчу пачхьалкхаллин 100 шо кхачарна лерина ду.