Белхан гӀуллакхца Донецкан Халкъан Республикехь волу Россин Пачхьалкхан думин депутат Делимханов Адам Мариуполехь а хилла.
Telegram чуьрчу шен каналехь оцу хьокъехь хаам бинчу Кадыров Рамзана билгалдаьккхина меттигера маьждиг меттахӀотторан гӀуллакх цо цигахь теллина хилар.
Мариуполехь тӀеман хиламаш дӀахьочу муьрехь, кхеташ ма-хиллара, оцу «Делан хӀусамна» а зенаш хиллера.
Цигарчу хьолаца аьтто баларца дӀадолийна иза меттахӀоттор.
Берриге а белхаш дӀабахьар Кадыров Ахьмад-Хьаьжин цӀарахчу Йукъараллин фондо шена тӀелаьцна.
Карарчу хенахь говзанчаша чуьрчу а, арарчу а пенаш тӀехь къахьоьгу, ткъа герггарчу хена чохь чуьра пенаш туркойн куц-кепехь кечдарна тӀе а боьрзур бу уьш.
Билгалдоккху ша и маьждиг а туркойн хьалхалерчу архитектурин куц-кепехь дина хилар.