Карарчу баттахь дуьйна дӀайолош йу вайн махкахь туберкулинодиагностика. Берашна а, кхиазхошна а лерина хир йолуш йу иза.
Оцу хьокъехь хаам бинчу Нохчийчоьнан могашалла Ӏалашйаран министерствос билгалдоккху берашлахь туберкулез а, садаӀаран меженийн цамгарш а йаржарна дуьхьалонна лерина болх иза хилар.
Иштта, ведомствон векалша хаийтарехь, Къилбаседе-Кавказан ФО-хь йовхарийн цамгаран менингит хилар 3-хьа хааделла, шайн могӀарехь Нохчийчоь а йолуш.
Цуьнца а догӀуш, медицинин хьукматашна тӀедиллина берашна а, кхиазхошна а флюорографин талламаш баран а, йовхарийн цамгарна тесташ йаран а болх жигарбаккхар.