Карарчу беттан 6-чохь билгалдоккхучу Республикин денна лерина а йолуш, оццу дийнахь викторина дӀахьур йу Кегийрхойн гӀуллакхийн министерствос.
Соьлжа-ГӀаларчу М.Эсамбаевн бульварехь вовшахтухур болу и болх Нохчийн Республикин историна лерина хир бу.
«Нохчийн Республикин историца йоьзначу викторинехь шен хаарш талла аьтто болуш хир ву муьлхха а. Нийса жоьпаш — мехала совгӀаташ«, — билгалдаьккхина ведомствон векалша.
НОХЧИЙН РЕСПУБЛИКИН ИСТОРИНА ЛЕРИНА ВИКТОРИНА: ➡️ Терахь: товбецан 6-гӀа де; ➡️ Хан: 16 сахьт 30 минот; ➡️ Меттиг: М.Эсамбаевн бульвар.