Донецкан Халкъан Республикехь, масех кӀошт а лоцуш, доккха тӀелатар дӀахьош ду «Ахмат» спецназан бӀаьхоша а, Луганскан Халкъан Республикин Халкъан милицин 2-чу корпусан салташа а.
Telegram чуьрчу шен каналехь оцу хьокъехь хаам бина Кадыров Рамзана.
Нохчийчоьнан Куьйгалхочо билгалдаьккхина тӀелатар Соледаран а, Яковлевкин а, Северскан а гуонахарчу кӀошташкахь дӀахьош хилар.
Билггал аьлча, оцу меттигашкахь мостагӀехь дӀацӀанйийр йолуш йу 60 км гергга майда.
«Ахмат» спецназан командира Алаудинов Аптис, Кадыров Рамзанна ша хаам беш а волуш, шайн тӀелатаро мостагӀна алссам зенаш деш хилар хаийтина.
И видео, лакхахь билгал ма-даккхара, Нохчийчоьнан Куьйгалхочун Telegram чуьрчу @RKadyrov_95 каналехь зорбатоьхна йу.