Пачхьенерчу Висаитовн кӀоштахь, дакъалоцуш Нохчийчоьнан Куьйгалхо Кадыров Рамзан а волуш, схьайиллина 1 224 меттигна лерина керла ишкол.
№12 йолу иза дешаран кхузаманахьлерчу лехамашца йогӀуш а йолуш, хаза а, битаме а гӀишло йу.
Дешаран кабинетел сов, спортан 2 зал а, 2 бассейн а, гуламан йоккха зал а, кхачанан чоь а, лаборатореш а, библиотека а, и.д.кх.а йу цу чохь.
Цул сов, куьце йалийна уьйте а, ков-керт а ду, иштта, кертахь спортан а, футболан а майданаш а йолуш.
Керлачу ишколехь балха 176 стаг дӀатарвина, шайх 111 — хьехархо а волуш.
Билгалдаккха догӀу иза схьайеллар селханлерчу хиламна лерина хилар — Республикин Денна а, Нохчийн Республикин 100 шо кхачарна а.