Карарчу беттан 11-чу дийнера 19-гӀа де тIекхаччалц Къаьмнийн театрийн Йерригроссин IV-гӀа «Федерация» фестиваль дӀахьур йу Соьлжа-ГӀалахь.
Х.Нурадиловн цӀарахчу къоман драмин театран а, М.Лермонтовн цӀарахчу оьрсийн драмин театран а, Къоначу хьажархочун театран а сценаш тӀехь шайн тоьлла спектаклаш гойтур йу Россин регионашкарчу къаьмнийн 10 театро.
Дагадаийта лаьа «Федерация» I-ра фестиваль Соьлжа-ГӀалахь 2019-чу шарахь дӀайаьхьна хилар.
Иза, къоман «Культура» проект кхочуш а йеш, Россин Федерацин культурин министерствон а, Россин театрийн гӀуллакххойн союзан а дӀадолорца дӀахьош йу.
Нохчийн Республикин Куьйгалхочо а, Нохчийн Республикин Правительствос а, Нохчийн Республикин культурин министерствос а доккха гӀо-накъосталла лоцу иза дӀайахьарехь.