Бахархойн терахь республикехь алсамдолуш хиларе терра, маьӀнечух ду ишколал хьалхарчу дешаран тӀегӀа кхиор а.
НР-н Правительствон Ишколал хьалхарчу дешаран комитетан председательца Черхигов Адамца ша дӀадаьхьначу цхьаьнакхетарехь билгалдаьккхина иза Кадыров Рамзана.
Нохчийчоьнан Куьйгалхочо дийцарехь, берийн бошмашца доьзна гӀуллакх Ӏедалан куьйгаллера терго оьшуш а ду, и терго цунна хир йолуш а йу.
Оцу декъехь уггаре а коьрта кхачамбацар берийн бошмашкахь меттигаш цатоарца доьзна ларалуш ду.
Цуьнца а догӀуш, сацам хилла карарчу шарахь 4 берийн беш йан, ткъа тӀедогӀучу шарахь — кхин а 7.
Цул сов, масех берийн беш а, берийн ловзаран майданаш а тойаран белхаш а дӀахьур бу сихонца.
И гӀуллакх шена тӀелаьцна Кадыров Ахьмад-Хьаьжин цӀарахчу Йукъараллин фондо.
Тидамза дуьтур дац бошмашкара санитарин а, эпидемиологин а хьал а.