Нохчийн «хӀаваан кевнийн» маршрутан сеть кхиорехь жигара къахьоьгу Кадыров Ахьмад-Хьаьжин цӀарахчу Соьлжа-ГӀалин дуьненайукъарчу аэропортан куьйгалло.
Оцу декъехь рогӀера гӀулч йу Башкортостанан а, Нохчийчоьнан а пачхьенашна йукъахь авиамаршрут схьайеллар а.
«ЮТэйр»-н кеманаш дӀасалелар долу и рейс, цкъачунна, кӀиранах 1 йеш хир йу (кӀирандийнахь), дӀасалелаш 2 кема а долуш:
1) «Сочи — Соьлжа-ГӀала — Уфа» маршрутехула;
2) «Уфа — Соьлжа-ГӀала — Сочи» маршрутехула.