ХӀокху деношкахь Соьлжа-ГӀалахь дӀайаьхьначу Россин Къилберчу халкъийн культурин а, спортан а XII-чу фестивалан жамӀаш довзийтина Кадыров Рамзана Telegram чуьрчу шен каналехь:
— 1-ра меттиг: Нохчийн Республика;
— 2-гӀа меттиг: Дагестан;
— 3-гӀа меттиг: Краснодаран мохк.
Нохчийчоьнан Куьйгалхочо дийцина и фестиваль вовшахтохар а, дӀайахьар а дакъалацархошна а, хьешашна а чӀогӀа тайна хилар.
Иштта, Россин 14 субъектан векалш хилла ца Ӏаш, цуьнан гурашкахь дакъалоцуш Донецкан а, Луганскан а халкъийн республикийн а, Абхазин а векалш хилла хилар а билгалдаьккхина цо.
Спортан а, культурин а тайп-тайпанчу къийсадаларшца хилла и фестиваль даздаран хиламан тӀегӀанехь дӀайаьхьира вайн махкахь.