Нохчийн Республикин Куьйгалхо, Россин Турпалхо Кадыров Ахьмад-Хьаьжин Рамзан Донецкан Халкъан Республикин Турпалхо а ву.
Оцу хьокъехьчу Указна ша куьг йаздар билгал а доккхуш и хаам бовзийтина ДХР-н куьйгалхочо Пушилин Дениса.
Цо дийцарехь, Донецкан Халкъан Республикина а, Нохчийн Республикина а йукъахь вежараллин зӀенаш тасайелла.
«Донбассерчу вайна доккха гӀо-накъосталла дарца а, кхузарчу хьолехь даггара дакъалацарца а доьзначу баркаллица белла Нохчийн Республикин Куьйгалхо волчу Кадыров Рамзанна Донецкан Халкъан Республикин Турпалхочун Седа», — йаздина цо Telegram чуьрчу шен каналехь.
Дагадоуьйту хьалхуо иштта мидал [республикин коьрта совгӀат] Кадыров Рамзанна Луганскан Халкъан Республикин куьйгалхочо Пасечник Леонида а йелла хилар.