Кхин а цхьа башха, иэсан хӀоллам бу Соьлжа-ГӀалахь хӀинца дуьйна.
Республикин Куьйгалхочо Кадыров Рамзана дакъа а лоцуш, пачхьенехь схьадиллина «ГӀамаран сахьт».
15 м гергга болчу оцу хӀолламан лакхарчу декъехь йохийна гӀала йу, ткъа лахарчу декъехь — хӀинцалера, тойина гӀала.
Шен къамелехь Кадыров Рамзана билгалдаьккхина Соьлжа-ГӀала иштта хаза а, битаме а меттахӀотталург хиларх тешаш кӀеззиг нах бен хилла цахилар.
«… Тилпоца хиллачу тхан къамелехь Путин Владимира а билгалдаьккхира таханлера Соьлжа-ГӀала ойланашкахь бен хилла цахилар«, — дийцира цо.
Махкахь а, Соьлжа-ГӀалахь а хилларш бахархошна а, хьешашна а дагахь латтийтар Ӏалашонехь а долуш хӀоттийна бу и хӀоллам.