Нохчийн кегийрхошна дийцина Ислам-динца йоьзначу экономиках а, финансех а лаьцна.
«Исламан финансех а, экономиках а кхетор» аьлла семинар вовшахтоьхнера Шайх Зайедан цӀарахчу фондо.
Коьртачу декъана, дакъалацархошна дийцира Исламан экономикин сегментех лаьцна, тидамза Исламан финансашца доьзнарг а ца дуьтуш.
Вовшахтохархоша хаийтарехь, вайн махкарчу кегийрхоша Исламан экономикица а, финансашца а доьзнарг таллар алсамдолуш ду.
Цундела хаьржина йара оцу семинарехь и тема.
Билгалдоккху иза дӀахьош Шайх Зайедан цӀарахчу фондехь къахьоьгуш волу шарӀан говзанча Тазбаев Олхазар хилла хилар.