Киевна тӀетоха йолийна аьлла, аьрзнаш дечу Зеленскийн хьокъехь дӀахьедар дина Кадыров Рамзана.
«Хьуна, паспас-Зеленский, хьайна мегаш, кхечарна ца мегаш ду моьттура?«, — йаздина Нохчийчоьнан Куьйгалхочо Telegram чуьрчу шен каналехь.
Украинин эскарша маьршачу бахархошна тӀе а йетташ, Донбассерчу республикийн инфраструктура а йохош, атомийн станцешна даккхий герзаш а детташ, тӀайш а лоьлхуьйтуш 8 шо даьлла хилар а дагадаийтина Кадыров Рамзана.
«Вада, Зеленский, вада, Малхбузене а ца хьоьжуш«, — тӀетоьхна цо.
Иштта, Украинехь тӀеман леррина операции дӀайахьарехь Росси ницкъ ма-ббу йолайелла цахилар ша хӀоразза а цуьнга баьхна хилар а хоуьйтуш, и операци дӀайахьарна хӀинца ша 100%-на резахилар хаийтина Нохчийчоьнан Куьйгалхочо.