Куьйгаллехь Премьер-министр Хучиев Муслим а волуш, леррина кхеташо дӀайаьхьна Правительствехь.
Цигахь дийцаре дина Соьлжа-ГӀалин «Северный» аэропорт йаран а, тойаран а проект кхочушйар.
Иштта, къаьсттина тидам тӀебахийтина аэропортан дозанашкахь шатайпанчу экономикин майда кхолларна.
Тидамза ца дитина Нохчийн таможнин постан балхаца нислуш долу кхачамбацарш а.
И дерриге а гӀуллакхаш НР-н Куьйгалхочо Кадыров Рамзана шен тергонехь латтош хилар хаийтира гулбеллачарна Хучиев Муслима.
Шатайпанчу экономикин рогӀера майда кхолларан хьокъехь аьлча, заявка кечйаран болх жигарбаккхар а, резидентийн хьокъера хаамаш кечбар а тӀедиллира Премьер-министра.