Белхан гӀуллакхца Эна-Хишкан кӀоштахь хилла НР-н Куьйгалхочун Секретариатан куьйгалхо Кадыров Хьамзат «Нохчийн минералийн хиш» заводе а кхаьчна.
КӀоштан префекта Исраилов ИсмаьӀала дийцира заводехь бечу хийцамийн хьокъехь а, Ӏалашонех а лаьцна.
67 тайпана сурсаташ арахоьцучу оцу предприятехь къахьоьгуш 600 гергга стаг ву.
Делахь а, мехала а, маьӀне а кхин ду — Дикаллин дуьненайукъара сертификат делла цунна.
Цуьнца а догӀуш, федеральни маьӀна долчу махлелоран мел йолчу сеташца болх бан бакъо йу хӀинца «Нохчийн минералийн хиш» заводан.
Оьшшуш долу гӀо-накъосталла республикин куьйгаллера а хирг хилар хаийтира Кадыров Хьамзата.