Ӏалашонийн «Сан ненан мотт» программа кхочушйарца а догӀуш, Москвахь арахецна изза цӀе йолу альманах а.
Россин Федерацина йукъайогӀучу республикийн Ӏедалша а, йукъараллаша а меттигера меттанаш Ӏалашдарна а, кхиорна а лерина йу иза.
154 агӀонах лаьттачу цуьнан 50-61-гӀий агӀонаш лерина Нохчийн Республикина а, нохчийн маттана а.
Альманах, зорбатоьхна ца Ӏаш, электронни кепара а тӀекхочийла йолуш йу.
Къаьмнийн гӀуллакхашкахула йолчу федеральни агентствон Ӏуналлехь вовшахтоьхна йу иза.