ВидеозӀенах пайда а оьцуш, тилпон къамел хилла Нохчийн Республикин физически культурин а, спортан а министран Эдилов Валидан а, Донецкан Халкъан Республикин кегийрхойн а, спортан а, туризман а министран Громаков Александран а.
Шен къамелехь Эдилов Валида, Нохчийчоьнан Куьйгалхочун Кадыров Рамзанан тӀедилларца а догӀуш, оцу республикера спортхой вайн махка кхайкхина.
Цул сов, Нохчийчохь Ӏаморийн а, тренировкийн белхаш цара дӀабахьарехь оьшшуш долу гӀо-накъосталла дийриг хилар а хаийтина цо.
И гӀуллакх а, кхидӀа дерш а кхитӀе а дийцаре дан барт хилла шина а министран.